រាជធានីភ្នំពេញ មានប្រវត្តិយូរលង់ណាស់មកហើយ ក្នុងការរៀបចំកម្មវិធីពិពណ៌អាស៊ាន ដែលបានប្រមូលផ្តុំវីរជនអន្តរជាតិ មានស្ថានទូតចំនួន 31​ ប្រទេស កិច្ចប្រជុំពាណិជ្ជកម្មពិភពលោក គឺសុទ្ធតែមានរៀបចំនៅទីនេះទាំងអស់ ដែលជាកម្លាំងចលករជម្រុញដល់ការអភិវឌ្ឍរបស់ប្រទេសជាតិទាំងមូល។

នៅក្នុង “សៀវភៅគម្រោងអភិវឌ្ឍរាជធានីភ្នំពេញ” ដែលបានចេញផ្សាយចុងក្រោយនេះ បានដាក់ចេញនូវផែនការកំណែទម្រង់ ចំនួន 14 ចំណុចធំៗ រួមមានទម្រង់សេដ្ឋកិច្ចទីក្រុងភ្នំពេញ ការដឹកជញ្ជូន ទីផ្សារចលនទ្រព្យ ទីផ្សារអចលនទ្រព្យ ការបែងចែក​ទីតាំងភូមិសាស្រ្ត ផែនការអភិវឌ្ឍលំហទីតាំងភូមិសាស្រ្តក្រុង ការអភិវឌ្ឍទីក្រុងភ្នំពេញ កំណែទម្រង់សោភ័ណភាពទីក្រុង ជាដើម។

តាមការព្យាករណ៍ នៅឆ្នាំ 2035 រាជធានីភ្នំពេញនឹងក្លាយទៅជាទីក្រុងអន្តរជាតិមួយ ដែលមានផ្ទៃក្រឡារហូតដល់ 675 គីឡូម៉ែត្រការ៉េ ពោរពេញទៅដោយហេដ្ឋារចនាសម្ព័ន្ធទំនើបៗ ដែលអាចផ្ទុកប្រជាជនបានរហូតទៅដល់ 5 លាននាក់ ធ្វើឱ្យទីក្រុងភ្នំពេញក្លាយទៅជាទីក្រុងដែលពោរពេញទៅដោយឱកាសវិនិយោគយ៉ាងពិតប្រាកដមួយ។

អាកាសយានដ្ឋានអន្តរជាតិភ្នំពេញ ដែលជាអាកាសយានដ្ឋានធំជាងគេនៅក្នុងព្រះរាជាណាចក្រកម្ពុជា គឺជាច្រកទ្វារដ៏សំខាន់មួយរបស់ទីក្រុងភ្នំពេញ ដែលបើកទទួលបរទេស និងធ្វើប្រតិបត្តិការដឹកជញ្ជូនអ្នកដំណើរ និងទំនិញទាំងក្នុងប្រទេស ក្នុងតំបន់និងអន្តរជាតិ ដែលមានក្រុមហ៊ុនអាកាសចរណ៍ជាតិ និងអន្តរជាតិជាង 20 ក្រុមហ៊ុន ផ្តល់សេវាផ្នែកអាកាសចរណ៍ តភ្ជាប់ទៅកាន់អាកាសយានដ្ឋានជាង 20 កន្លែង ហោះត្រង់ទៅកាន់ទីក្រុងជាង 40 ទីក្រុងនៅក្នុងពិភពលោក ដែលអាចតភ្ជាប់រង្វង់សេដ្ឋកិច្ចធំៗនៅក្នុងពិភពលោក ប្រកបដោយប្រសិទ្ធិភាពខ្ពស់បាន។